Радиохирургијата е тип на зрачна терапија со која се третираат тумори, најчесто во мозокот, кои не можат хируршки да се отстранат. За првпат во регионот овој тип зрачна терапија ја има и во Клиничката болница „Аџибадем Систина“ со помош на најмоќниот и најбезбеден апарат за радиотерапија TRILOGY.

Моќна и прецизна 

Со радиохирургија туморот се третира со само една фракција со висока доза на зрачење, која е директно насочена кон целниот тумор, без да се оштети здравото ткиво. Овој тип терапија ја уништува ДНК на туморот со што клетките на туморот не можат повеќе да се шират и развиваат. Радиохирургијата е единствена терапија кај тумори на мозок локализирани на недостапни места во мозокот и не можат да се отстранат со хируршка интервенција.

Како се спроведува третманот?

За да може да се спроведе третманот, се имобилизира (прицврстува) главата на пациентот со што се обезбедува фиксна позиција за време на третманот. Во исто време се прави КТ симулација со цел да се лоцира туморот. За време на третманот акцелераторот ротира околу пациентот испорачувајќи високи дози зрачење во областа која е претходно точно обележана од тимот специјалисти, кој вклучува радиолог, онколог и неврохирург.

Во кои случаи се користи радиохирургија?

Радиохирургијата најчесто се користи во третман на тумори во мозокот кои се на недостапни места или кои не можат хируршки да се лекуваат. Исто така, радиохирургијата се користи и во третман на некои бенигни промени во мозокот како што се артериовенски малформации. Резултатите кои се постигнуваат со овој третман се идентични со резултатите од неврохируршкиот третман. Лекарот одредува кај кој пациент може да се спроведе радиохирургија. Одлуката зависи од типот, големината и локализацијата на туморот што треба да се третира.

Кои видови тумори можат да се третираат со ТRILOGY радиохирургија?

Со оваа технологија можат да се третираат мали тумори со еднократно зрачење со високи дози. Здравите ткива се заштитени на највисоко ниво од несаканите ефекти на радијацијата. Пациентот доаѓа, ја прима еднократната терапија и по третманот може да продолжи со нормалните секојдневни активности. Според светските статистики, радиохирургијата на TRILOGY има голем успех во лекувањето на пациенти третирани со оваа метода.

 

„Канцер“ за многу пациенти е најстрашниот збор во медицината. По емоционалниот шок од дијагнозата, пациентите имаат потреба да научат како да живеат и да се борат со канцерот. Д-р Дева Петрова, онколог, објаснува како да живеете со канцерот.

Хранете се здраво за време на третманот

Хемотерапијата, зрачната терапија и другите третмани за канцер може да влијаат на вашето тело. Затоа, здравата исхрана може да ви помогне да се чувствувате подобро и да закрепнете побрзо. „За време на третманот со канцер важно е да се избегнуваат екстремни диети, кои се сиромашни со сите хранливи материи. Наместо тоа фокусирајте се на балансирана исхрана“, објаснува д-р Петрова, која додава дека на менито треба да се најдат следниве намирници:

  • Леб, печива и житни култури од цело зрно
  • 100% овошни сокови
  • Пола од вашата чинија да биде со овошје и зеленчук
  • Грицкајте морков, бадеми, лешници или свежо и сушено овошје
  • Умерено користење на слатка храна бидејќи во тек на третманот може да дојде до зголемување на нивото на шеќер во крвта
  • Умерено користење месо, почесто консумирање риба и морски плодови

Јадете и кога не сте гладни

Губење на апетитот е честа појава за време на третманот со канцер. Како последица на некои третмани може да се случи храната да нема вкус. „И покрај тоа што немате апетит, многу е важно да внесете соодветна исхрана“, објаснува д-р Дева Петрова. Еве што да направите:

  • Изберете храна со висока калоричност, богата со хранливи состојки како авокадо, ореви, грав, семиња и варени житни култури
  • Јадете помали оброци во текот на денот

Не чекајте да огладнете. Наместо тоа јадете во одредени временски периоди.

Суплементи и додатоци во исхраната

Кога ќе решите да земете додатоци во исхраната, прво консултирајте се со вашиот онколог. „Некои билни производи и додатоци во исхраната не треба да се мешаат со терапијата за канцер. Додатоци за исхраната може да се препорачаат кај пациенти кои не внесуваат хранливи материи преку храната. Меѓутоа, и тие треба да бидат препишани од лекарот бидејќи високи дози од овие додатоци може да бидат штетни“, објаснува д-р Петрова. Доколку се храните здраво и внесувате витамини и минерали преку храната, дополнителни суплементи не ви се потребни.

Дали ќе можам да одам на работа за време на третманот?

Одговорот на ова прашање зависи од видот на третманот што го добивате, од типот на канцерот, од општата здравствена состојба, како и од видот на работа. Колку ќе можете да работите најмногу зависи од тоа како се чувствувате за време на третманот. Доколку немате проблеми, можете да продолжите со нормалните активности. „За пациентите кои можат да работат за време на третманот се препорачуваат пумпи за хемотерапија. Пумпите се во мали пластични контејнери кои се носат на појасот. Пумпата е регулирана за хемотерапијата да истече во предвидениот временски период (12 часа, 24 часа...). Сепак, за овие пумпи пациентот мора да има вградено канила, која се вметнува во вена на задниот дел од раката, вратот или градите“, објаснува д-р Петрова.

Дали може да вежбам за време на третманот?

За пациентите со канцер се препорачува да бидат физички активни за време на терапијата. „Вежбањето има позитивно влијание врз телесната тежина, целокупната кондиција, мускулната сила, флексибилноста и квалитетот на живот, како и на симптомите како болка и замор. Интензитетот на вежбите зависи од општата здравствена состојба на пациентот. Најновите медицински препораки се пациентите со канцер да вежбаат јога која има позитивно влијание за време на нивниот третман“, објаснува д-р Дева Петрова.

Continue Reading

Карциномот на гркланот сочинува 1-2% од сите карциноми, или кај 2-10 случаи на 100. 000 жители. Од овој тип карцином мажите заболуваат 4-10 пати почесто отколку жените. Според д-р Љирим Демири, оториноларинголог, најчесто се јавува по педесеттата година од животот, а најголем ризик фактор за негова појава е пушењето. Кај пушачите ризикот од појава на овој тип карцином е 5-25 пати поголем. Консумирањето алкохолни пијалаци, особено ако е комбинирано со пушење, го зголемува ризикот од појава на ова заболување и до 40 пати. Како ризик фактори се споменуваат и гастроезофагеалниот рефлукс, иритацијата со хемикалии, азбест и сл.

Прв симптом, засипнатост

Туморот најчесто се наоѓа на гласилките и првите знаци се менување на квалитетот на гласот и засипнатост. Доколку засипнатоста трае повеќе од 2 недели, се препорачува веднаш да се консултирате со доктор за уво, нос и грло. Други симптоми се болка во грлото и ушите, а кај понапредните случаи може да се забележи отежнато дишење, болка при голтање, како и крвава плунка. Ако канцерот се прошири во лимфните јазли, се јавува оток на вратот.

Дијагноза

Дијагнозата на карцином на гркланот ја поставува оториноларинголог врз база на повеќе дијагностички постапки. Најпрво низ разговор со пациентот за симптомите кои ги има и периодот кога тие се појавиле, лекарот добива важни податоци за болеста на пациентот (анамнеза). Клиничкиот преглед подразбира низа дијагностички постапки, како преглед на грлото (орофарингоскопија), преглед на гркланот и гласните жици со ригиден или флексибилен ендоскоп (ларингоскопија), палпација на вратот и радиолошки иследувања на вратот (ултразвук, компјутеризирана томографија и магнетна резонанца).

Доколку постои сомнение за појава на карцином на гркланот, кај пациентот се препорачува директна ларингоскопија со видеоларингоскоп или оперативен микроскоп, во краткотрајна анестезија и биопсија поради хистопатолошка дијагноза на промената. Во зависност од резултатите на хистолошката анализа, се советува пациентот за понатамошен третман.

Хируршко лекување и радиотерапија

Во третманот на карциномите на ларинксот постојат два тераписки приоди: оперативен третман и радиотерапија. Хемотерапијата се употребува најчесто како надополнување на оперативното и лекувањето со радиотерапија. Типот и обемот на оперативниот третман зависи од позицијата и големината на карциномот, како и од проширеноста на болеста. Зависно од големината на туморот и локализацијата оперативните зафати може да бидат функционални, кога се отстранува само туморот со дел од гласилката или цела гласилка (chordectomia). Постојат и функционални ларингектомии кај кој се отстранува туморот и дел од гркланот (парцијални хоризонтални и вертикални ларингектомии).

Ако туморот е голем и доцна е откриен, потребно е да се отстрани целиот грклан (тотална ларингектомија). Потребно е да се нагласи дека кај повеќето хируршки интервенции заради обезбедување на дишењето потребно е да се креира привремена или трајна трахеостома, отвор на вратот и дишникот низ кој пациентот ќе може да дише постоперативно. Доколку постојат и метастази во лимфните јазли на вратот, потребно е да се направи и селективна или радикална дисекција на вратот и да се отстранат лимфните јазли на едната или двете страни на вратот. По оперативниот зафат следи онколошки преглед и проценка за понатамошното лекување (радиотерапија, хемотерапија). Понекогаш туморот може да биде толку голем да не дозволува оперативен третман и во тие случаи единствен начин на лекување е зрачна терапија и хемотерапија.

Најчесто оваа емоција се јавува поради тоа што луѓето во еден момент чувствуваат дека мора да сопрат со својот вообичаен начин на живот и да се навикнат на новонастанатата ситуација.

Како и сите органи во телото така и бубрезите се подложни на малигни заболувања. Иако не се многу чести, истражувањата покажуваат дека расте бројот на пациенти кои заболуваат од малигни заболувања на бубрезите. Статистиките велат дека се јавува кај 3- 5 пациенти на 100.000 или во Македонија годишно се откриваат од 80 до 100 нови случаи.Овој вид карцином најчесто се јавува во понапредната возраст и многу е почест кај машката популација. Постојат два вида карциноми на бубрезите – едниот ја напаѓа кората на бубрегот, а другиот вид ја напаѓа срцевината на бубрегот, одводните каналчиња, бубрежното леѓенче и мочните канали. За тоа кои се симптомите, како се поставува дијагноза и каков е третманот, одговор побаравме од проф. д-р Љупчо Лековски, специјалист по урологија во Клиничката болница „Аџибадем Систина“.  

Кои се симптомите?

Симптомите се најчесто тивки и незабележливи. Затоа  е многу важно луѓето над 50 години еднаш годишно да посетат уролог. Еден од симптомите кои може да се појават е крвта во урината што е сигнал дека нешто не е во ред во ред со вашите бубрези. По крвта може да се појави и неопределена тапа болка, а по направена КТ снимка се поставува дијагноза карцином на бубрези. Ако имате некој од овие симптоми веднаш јавете се на уролог, тој врз основа на наодите ќе определи дали е во состојба да се направи хируршка интервенција, која техника на интервенција ќе се направи и како тоа ќе се одрази врз општото здравје на пациентот.

Како рано да го откриеме карциномот на бубрези?

Ултрасонографскиот преглед е многу ефикасен и достапен во раното откривање на бубрежните тумори. Докторите советуваат и во добро здравје да се направи превентивен преглед на бубрезите бидејќи колку порано се открие овој вид карцином се лекува. Доколку се дијагностицира во понапреднати стадиуми тогаш во процесот на лекување освен уролог, мора да се вклучи и тим од онкологози. Покрај ехото потребно е да се направат и лабораториски прегледи на крвта и урината, компјутерска томографија, МРИ.

Лекување

Заедно со вашиот лекар ќе се одлучите за најдобриот третман за лекување, кој зависи од многу фактори како што е општата здравствена состојба, типот, стадиумот и проширеноста на болеста. Хируршката интервенција е првичниот третман што се применува, но се прави и комбинација од радиотерапија, хемотерапија и имунотерапија. Бидејќи бубрезите се парни органи можно е да се отстрани целосно бубрегот, без да се наруши општото здравје ако другиот бубрег е во ред. Во многу случаи на лекување кај пациентите потребен е мултидициплиниран пристап. По завршување на третманот за карциномот на бубрези пациентот мора да прави редовни контроли.

Превенција

Откажете се од пушењето, одржувајте нормалната телесна тежина, бидете физички активни, редовно контролирајте го крвниот притисок и еднаш годишно посетете уролог.

СВЕДОШТВА

Човечноста е заштитен знак за „Аџибадем Систина“

Извор: Hello Magazin Сите ја обожаваат, ѝ се восхитуваат и ја сакаат. Но, кога лично ќе ја запознаете веднаш сфаќате и зошто. Едноставно ве маѓепсува… Read More

НОВОСТИ И НАСТАНИ

Д-р Душко Михајлоски: Магнетната резонанца 3 Tesla ќе донесе нова ера во дијагностиката

Инвестирањето во најсовремениот апарат за магнетна резонанца 3 Tesla е уште една потврда за определбата на „Аџибадем Систина“ да биде лидер во… Read More

MRI 3 Tesla - Нова ера во дијагностиката

MRI 3 Tesla претставува најсовремен апарат за магнетна резонанца, кој за првпат во…

Радиохирургија на револуционерниот TRILOGY единствено во „Аџибадем Систина“

Радиохирургијата е тип на зрачна терапија со која се третираат тумори, најчесто во…

Language